Olona fito indray no voasambotra ary mpianakavy avokoa noho ny fanaovana trafikana basy, ny fiandohan’ny herinandro teo, tao Ampahatra, tany Antsirabe. Taorian’ny fitsirihana izay nataon’ny mpitandro filaminana dia tratra tao amin’ny toeram-pisotroana toaka, tany amin’ny toerana voalaza eo ambony, ny olona roa izay tena tao anatin’ny fifampiraharahana amin’ny fivarotana basy.

Natao avy hatrany ny fisamborana ilay mpividy raha toa ka tafaporitsaka ny iray hafa izay mpivarotra. Nentina tany amin’ny biraon’ny zandary iry voalohany natao famotorana ary efa nohadihadiana ela dia nanaiky nilaza ny marina rehetra momba ireo mpamatsy fitaovam-piadiana azy ireo.

Nanantanteraka ny fikarohana ireo olon-dratsy noho izany ireo mpitandro filaminana izay nahatratrarana ireo mpianakavy ny androtr’io ihany. Sarona nandritra izany ihany koa ny toerana fanamboarana bala sy basy izay tena mahery vaika tokoa na dia vita malagasy aza. Hiakatra fitsarana tsy ho ela izy ireo.

L.N