Tao amin’ny valan-javaboahary Baie de Baly, Soalala dia sokatra angonoka maromaro no saika havoaka antsokosoko tao. Biby izay arovana fatratra amin’izao fotoana izao. Olona enina no niditra tao anatin’ny faritra arovana ary araka ny vaovao voaray dia mody nanao mpizahantany izy ireo kanefa dia nitetika ny hangalatra. Ny Angonoka dia zana-tsokatra izay efa mihalany tamingana amin’izao fotoana izao. Ny mpiambina no nahatsikaritra ireto olona milaza azy ho mpitsidika nefa nampiditra ireto sokatra tao anaty sakaosy ka nikasa hitondra azy ireo hivoaka ny valan-javaboahary. Rehefa raikitra ny fisavana dia sarona tao ireo biby.  Raha ny fantatra dia mipetra eny amin’ny manodidina eny ireto olona ireto ary mahalala tsara ny momba ny valan-javaboahary Baie de Baly. Naverina amin’ny toerana nakana azy ireo biby, izy enin-dahy kosa notazonina vonjimaika tao amin’ny tobin’ny mpiambina ny valan-javaboahary mandra-pahatonga ny tompon’andraikitra niaraka tamin’ny Zandary.

S.A