Betsipolitra Miandrivazo – Jiolahy nanafika Ben’ny tanàna maty voatifitra
Jiolahy roa anisan’ny nanafika ny Ben’ny tanànan’i Betsipolitra, Distrikan’i Miandrivazo, Faritra Menabe, no maty voatifitry ny mpitandro ny filaminana ny herinandro lasa teo. Araka ny fanazavana voaray avy amin’ny mpitandro filaminana dia jiolahy maromaro no naka ny ombin’ny Ben’ny tanàna tao an-toerana, izay miisa 63. Nizotra nianatsimo ny dian’ireo dahalo. Nanara-dia avy hatrany ny Zandary avy ao amin’ny “Poste Avancé” Betsipolotra sy ny avy ao Ankavandra niaraka tamin’ny fokonolona. Nisy ny fifampitifirana teo amin’ny toerana antsoina hoe Bevonoa, ka jiolahy roa no maty lavon’ny balan’ny mpitandro ny filaminana. 61 kosa ny omby tafaverina tamin’ny tompony. Ny Zandary avy ao Betsipolotra no nanao ny famotorana.
S.A