Tonga eto Madagasikara indray ny « Médecins du Monde », izay vazaha manam-pahaizana manokana avy any an-dafy amin’ny fandidiana ireo ankizy sima na may. Haharitra herinandro ny fandidiana sy ny fizahana ireo marary izay efa nanomboka ny 2 aogositra ary tsy hifarana raha tsy amin’ny 9 aogositra ho avy izao ao amin’ny hopitaly Hjra. Miisa 41 ireo ankizy may na sima hahazo fitsaboana ary fanafody maimaim-poana aorian’ny fandidiana.

Efa nanomboka ny taona 2005 ny « Médecins du Monde » no tonga teto Madagasikara ary efa maninaka ny faha-29 iraka ataony an-tanindrazana ity tanterahana amin’ity herinandro ity. Indroa isan-taona isaky ny enim-bolana izy ireo no tonga eto an-toerana ary tsy midina any amin’ny faritany raha tsy indray mandeha isan-taona. Noho izany dia betsaka ireo olona avy any amin’ny faritany no miakatra aty an-drenivohitra mitondra ireo zanany mba hahazo fitsaboana.

Laurena Nany