Nipitika avy eny ambony kodiaran-droa, nianjera tamin’ny tany sady voadona tamin’ny lohany ka maty tsy trano ny mpitondra kodiaran-droa iray sendran’ny lozam-pifamoivoizana. Ny alatsinainy teo nisehoan’izany tao amin’ny kaominina Antsaribaria, distrikan’i Vohémar,. Tamin’ny fitantaran’ireo nanatri-maso ny zava-nitranga dia nisy fiara Mazda iray mampitohy ny kaominina Ampanefena amin’ny tananan’i Vohémar nijanona teo amin’ny sisin-dalana tao Antsaribaria. Tonga avy ao aoriana avy eo ny môtô lehibe iray saika hisongona ilay fiara nefa nisy olona iray niampita ny arabe tampoka. Taitra ilay nitondra môtô aka tsy nahafehy ny familiana ary nipitika ka ny lohany no nitsatoka ny tany. Teo no eo ihany dia tapitra ny ainy fa ilay saika hiampita lalana kosa tsy naninona.

L.N