Manoloana ny firongatry ny tsy fandriam-pahalemana ao Toliara tampon-tanàna tato ho ato, indrindra taorian’ny namonoan’ireo jiolahy tamin’ny fomba feno habibiana mpandraharaha iray tao amin’ny fokontany Mahavatse I, izay nahatara ny fandraisan’andraikitry ny mpitandro filaminana, ka nampamaivay mafy ny fanakianana an’ireo bebaoty, dia hentitra ny Préfet-n’i Toliara, Andrianjafiniaina Lahiniriko Edouard, tompon’andraikitra voalohany amin’ny filaminam-bahoaka, nandritra ny valan-dresaka tamin’ny mpanao gazety notontosaina teny amin’ny lapan’ny faritra Atsimo Andrefana, Mitsinjo Betanimena, ny herinandro iny, niarahana tamin’ireo manam-pahefana mpitondra ao Toliara nahitana ny lehiben’ny Faritra Dr Razafitasondry Marcellin, ny lehiben’ny distrikan’i Toliara II ary ny filohan’ny delegasionina manonkan’ny tanànan’i Toliara, fa “ tsy tokony hiray tsikombakomba na tendro amin’ireo olon-dratsy ny mpitandro filaminana, fa natao hiaro ny vahoaka sy ny fananany ”. Nanentana ny vahoaka ho tony hatrany, ireto solontenam-panjakana ireto, ary hiara-misalahy ny rehetra amin’ny famongorana ny ratsy, ka hampilaza amin’ny filohan’ny fokontany na ny mpitandro ny filaminana rehefa misy na mahita olona mampiahiahy mandalo eny amin’ny fokontany.

Eric Toliara