Nisy nanorina trano avokoa ny tanin’ny minisiteran’ny Fiompiana any Ambato Boeny izay mirefy 30 hekitara eo ho eo. Toerana kely fanaovan’ny mpianatra fanatanjahan-tena sisa no tavela. Tany efa vita baorina tanteraka izy io no nidiran’ny olona tsikelikely raha vao lasa ilay vazaha mpitantana tao. Araka ny fanazavana nomen’ireo tompon’andraikitra any an-toerana izay miasa sy monina ao dia na ny tranon’izy ireo aza dia efa tsy misy tokontany intsony fa rakotra tranon’olona tsotra manodidina azy. Ny tena loza anefa dia tsy vitan’ny mamaritra tany sy mano-

rin-trano ireo olona ireo fa mbola mivarotra aman’olon-kafa ihany koa.

Tsy maintsy hisy anefa ny fifampiresahana eo amin’ny samy minisitera, ho fandaminana mikasika ireo vahoaka izay efa manorim-ponenana eo amin’io toerana io. Nilaza ny handray andraikitra mikasika io raharaha io ny minisitry ny Fiompiana nefa tsy ho vita sy tsy tafiditra ao anatin’ny politikam-pirenena tanterahina mandritra ny zato andro  izany.

L.N