Nitrangana asa jiolahy teny amin’ny fokontany 67 ha ny alin’ny alarobia hifoha alakamisy teo, tamin’ny 10 ora sy sasany tany ho any. Jiolahy nirongo fitaovam-piadiana no niditra an-keriny tao amin’ny tokan-trano iray tamin’io fotoana io. Novakian’ireo olon-dratsy ny varavarana ary niditra avy hatrany izy ireo. Mbola tsy natory kosa ireo tompon-trano tamin’ny fahatongavan’ireo mpangalatra ka vao naheno ireo olon-dratsy dia nanapika jiro ary nivoaka avy teny an-davarangana ambadiky ny trano izay misy tohatra .

Tsy nanapoaka basy ireo mpanafika rehefa nahita fa tsy nisy olona intsony tao an-trano. Naparitak’izy ireo ambony ambany kosa ny trano mba hitadiavany izay mety ny vola sy firavaka sarobidy. Tamin’ny fotoana niverenan’ny tompon-trano dia nanjavona avokoa ny vola an-tapitrisany sy ny volamena tao.

L.N