Tafakatra any amin’ny 10 000 ireo mpitrandraka vato rubis tafiditra an-kalalahana ao amin’ny alan’Ambodivoahanygy ao amin’ny valanjava-boahary tandavan’ala Ankeniheny-Zahamena (CAZ) amin’izao fotoana izao. Fanimbana tanteraka no hataon’ireo olona an’alina ireo, hoy ny fanambaran’ny loharanom-baovao. Tsy vitan’ny mandavaka mba hikarohana ireo harena ankibon’ny tany ihany mantsy izy ireo fa mbola mandoro sy manapaka ireo ala ao an-toerana.

« Tsy misy ara-dalana avokoa ireo rehetra ireo befa tsy misy mpitandro filaminana mandroaka azy ireo. Fantatry ny solontenam-panjakana avokoa ny fisian’io fandrobana sy fanimbana io any an-toerana saingy tsy misy ny fandraisana andraikitra. Ny fanaovana kolikoly no antony mahatonga an’izao », hoy hatrany ny filazan’ny loharanom-baovao avy any an-toerana.

Fantatra ihany koa fa miha-tonga any tsikelikely ireo teratany vahiny mpibizina vato. Mirongatra ihany koa ny mpifindra monina tsy ara-dalàna. Raha tsy misy fepetra ny fandraisana fepetra haingana dia hitovy amin’Ilakaka ny ao amin’ny CAZ ary ny malagasy rehetra no hizaka ny voka-dratsiny eo amin’ny fatiantoka ara-toekarena fa indrindra indrindra amin’ny lafin’ny fahasalamana.