Ny 50 isan-jaton’ ireo noraisina ho mpampianatra mpiasam-panjakana farany teo, tao amin’ny fari-piadidiam-pampianarana (Cisco) Toliara II dia tsy mapmpaiantra akory. Misy milaza fa nandoa vola taamin’ny tompon’andriakitra amboninin’ny fampianarana any an-toarana izy ireo. Kolikoly no hanasokajiana io tranga io.

Nisy zanaka talen’ny Epp iray any an-toerana tafiditra mpiasam-panjakana ary nahazo alalana hampianatra 2015-2016 kanefa tsy mahalala akory izay mitazona tsaoka. Miisa roa izy ireo no zanak’io talen-tsekoly io ary samy tafiditra avokoa. Mbola toy izay ihany koa ny olona iray izay tsy tokony ho voaray nefa rehefa nandoa vola tamin’io talen’ny tompon’andraikitra ambony ao amin’ny faritra dia lasa mpiasam-panjakana.

 « Mampalahelo anay fikambanana mpampianatra Frameto amin’ny Cisco Toliara II anefa fa misy aminay ny efa nampianatra nandritra ny 10 taona, 8 taona sy 7 taona ary manana diplaoma bakalorea nefa dia tsy tafiditra tanatin’ireo noraisina na dia nandefa antontan-taratsy aza. Betsaka aminay no talen-tsekoly ary efa hatramin’ny 2005 no nampianatra sy nitazona ireo sekoly tazominay ireo nefa dia mampalahelo fa tsy mbola voaray ihany. »

Laurena Nany