Ny sabotsy maraina teo, tamin’ny 10 ora no nisehoan’izany teo ivelan’ny lapan’Iavoloha. Nilalao baolina teo amoron-dalana manakaiky an’iny toerana iny ireo ankizy no nipitika tampoka teny amin’ny arabe ilay kilalaon’izy ireo.  Tamin’ilay nanenjika iny baolina iny indrindra anefa ny ankizilahy kely 12 taona no nivoaka avy tao amin’ny lapa ny bemôtô nitarika ny filoham-pirenena ka nifaoka avy hatrany ilay zaza.

Nohon’ny dona mafy be dia nipitika lavidavitra niala ny toerana nisian’ny lozam-pifamoivoizana ilay ankizy. Ilay nitondra ny kodiaran-droa kosa tsy tafajanona mihitsy raha tsy tany amin’ny dimy metatra tany ho any, vokatry ny fandehanana mafy. Samy naratra, noho izany, izy roa ireo ary nentina teny amin’ny hopitaly mba hahazo fitsaboana. Tsy misy ahiana ny ain’izy roa.

Laurena Nany