Tovolahy iray manodidina ny 27 taona nisotro toaka no tra-doza ny alahady tamin’ny 4ora tany ho any teny 67ha. Noho ny hamamoana tafahoatra dia nianjera tampoka teny amin’ny sisin’ny arabe izy kanjo tamin’izay indrindra no nisy taksibe nandalo ka nanitsaka azy. Ilay tanany nivelatra teny amin’ny arabe iny mihitsy no voahitsaky ny kodiarana an-kavanana tamin’ilay fiara. Tapaka kihon’ilay tovolahy nohon’ny dona mafy nahazo azy. Ilay tavoahangy teny aminy kosa nipitika lavitra teo.

Nifamonjen’ny olona nentina teny amin’ny hopitaly ilay  lehilahy voahitsaka ary ilay fiara kosa niandry ny fidinan’ny mpitandro filaminana teny an-toerana mba hanao fizahana ny loza nitranga. Tsy misy ahiana ny ain’ilay tra-doza araka ny filazan’ny mpitsabo.