Ny alahady 20 septambra teo dia lehilahy iray no maty an-drano tany Mananara avaratra, iray hafa kosa mbola karohina,. Rangahy tokony ho 45 taona io namoy ny ainy io rehefa nilentika nandritra ny fotoana naharitra tao amin’ny renirano iray any an-toerana. Tsy nisy nahita izay nirotsahan’izy ireo tao anaty rano fa olona handeha hanasa lamba teny amin’ilay renirano no nahatsikaritra ny fitafiana natsingevan’ny rano.

Nampandre ny iray tanàna avy hatrany io olona io ary nidina teny ny fokonolona nanao fikarohana. Ela vao hita ny vatana mangatsiakan’io lehilahy io izay miankanjo tsara. Natolotra ny havany avy hatrany ny razana ka teo izy ireo no nilaza fa handeha hanarato no nialàny tao an-trano ary miisa roa izy ireo.

Fantatra noho izany fa an’ilay namany io fitafiana natsingavan’ny rano io ary nitohy indray ny fikarohana nataon’ireo mpamonjy voina. Hatramin’izao fotoana nanoratana ity vaovao ity izao dia mbola tsy hita ilay lehilahy iray ary efa very fanantenana tanteraka ireo havany.

Laurena Nany