Aretina tsy dia manaitra ny olona ny haromontana nefa isan’ny mitondra fahafatesana be indrindra maneran-tany. Raha ny statistika voaray, olona iray isaky ny folo minitra no matin’ity aretina ity, izany hoe 7 alina any ho any. Eto Madagasikara dia faritra 10 ao anatin’ny 22 no tena mora handairan’io haromontana io. Hisy ny hetsika haharitra iray volana, izay hiarahan’ny minisiteran’ny Fiompiana sy ny fahasalamam-bahoaka, atao ho fanentanana ny olona, izay miantomboka eny amin’ny kaominina mba hiarovana ny biby sy ny hanaovana vaksiny ary ny fitazomana azy ireny amin’ny toerana iray. Hanomboka rahampitso ny fanentanana, izay haharitra hatramin’ny 28 oktobra ho avy izao, andro iray natao iadiana amin’ny haromontana.

« Ireo alika mirenireny eny ambanivohitra no fototra voalohany mampita ny haromontanaka ho vonoina ireo alika izay tsy azo baikoana mandritra ny fanentanana », hoy i Julien Mandrano, sekretera jeneraly ny minisiteran’ny Fiompiana sy ny fiarovana ny biby, nandritra ny fampahafantarana tamin’ny fomba ofisialy  ny andro iadiana amin’ny haromontana, omaly tao amin’ny lapan’ny tanana Analakely.

Hisy ny fanampiana omena ireo faritra tena handairan’io aretina io satria mahatratra any amin’ny Ar 600 000 ny vidin’ny fanafody. Miisa 6 000 ny kaikitra alika voaray ary 3 000 ireo vita fitaliana ka ny 400  amin’ireo dia haromontana.

L. N