Fiara vaventy iray no iray lalana tamin’ity rangahy nitondra bisikileta ity tamin’ny alahady hariva teo, tao amin’ny lalam-pirenena Rn7, tany amin’ny distrikan’i Ambatolampy. Tsy nampoizin’ilay nitondra bisikileta ny loza, avy any aoriana rahateo no nifaoka azy ilay fiara vaventy ka maty teo no eo ilay rangahy. Nohon’ny tsy fitandreman’ny mpamily no voalaza fa nahatonga ny loza. Misy kosa anefa ireo milaza fa nanao be marenina ilay mpitaingina bisikileta nefa nandeha teny ampovoan-dalana.

Araka ny loharanom-

baovao, avy niantsena tany Ambohimandroso io lehilahy io izao tra-doza izao. Voalaza fa tapaka ny tanany ary vaky ny lohany, tsy nisy noraisina intsony kosa ilay bisikiletany. Nandositra ilay mpamily ny kamiao.

Nidina nanao fizahana teny an-toerana ny mpitandro filaminana sy ny doketera  ary natolotra ny fianakaviana ny razana. Efa mandeha ny fikarohana ilay mpamily sy ny fiarany amin’izao fotoana izao.

L.N