Nandritra ny fisafoana nataon’ny zandary dia tratra ambodiomby ny lehilahy iray mpivarotra omby halatra avy ao amin’ny labatoara. Tsy mifidy ora ireo olon-dratsy manatona ireo mpivaro-kena sy manao fifanarahana any Ambilobe. Mahita ny vidin’ny omby mora be anefa ireo mpivarotra dia roboka mividy. Araka ny  vaovao avy amin’ny mpitandro filaminana any an-toerana, latsaky ny 6 hetsy ariary no hamarotan’ireo olon-dratsy ny omby iray, anefa raha ny vidin’ny omby  ara-dalàna dia efa mihoatra izany. Tsy mahalala sy tsy mieritreritra na inona na inona ireo mpivaro-kena fa dia mamono avy hatrany ary aorian’izay vao manao ny fanamariham-pahasalamana, ka tsy tratra mihitsy ny omby halatra.

Mirongatra ny halatra omby amin’ireo kaominina ambanivohitra Ambilobe amin’izao fotoana izao. Efa mandeha ny fanadihadiana eo anivon’ny zandary mba hanatratrarana ireo olon-dratsy.