Voasambotra teny Itaosy ny talata 6 oktobra teo, ny lehilahy iray mitonona ho polisy. Roalahy izy ireo no nisandoka ho mpitandro filaminana fa ny iray ihany hatreto no tratra. Araka ny vaovao avy amin’ny polisim-pirenena, ny voalohan’ny volana oktobra, tokony ho tamin’ny 9 ora sy sasany alina no niditra tao amin’ny toerana fanaovana Karaoke ireto roalahy nilaza ho polisy miasa ao amin’ny “surveillance du territoire” ary nisambotra lehilahy iray.

Nampidirin’izy ireo tao anaty fiara 4×4 io lehilahy io ary notereny handoa vola 1 tapitrisa ariary. Rehefa nilaza tsy manana io vola io ilay olona dia nalain’izy roalany ny vola Ar 50 000 teny aminy. Tsy nijanona teo fa mbola noterena koa nitondra azy roalahy tany an-tranony ity lehilahy ity ka nalain’izy ireo avokoa ny entana sarobidy toy ny solosaina azo entina mandeha, “équaliseur”, “disque dur” ary ny “table mixage”.

L.N