Mahazo vahana ny fidorohana zava-mahadomelina any Toamasina amin’izao fotoana izao. Loharanom-baovao, izay nomen’ny olona tsara sitra-po, no nahafahan’ny polisim-pirenena nisambotra mpamongady sady mpamatsy rongony tao Morarano, ny 27 oktobra teo. Mpivady ireo sarona ireo ary nandritra  ny fisavana ny tranon’izy ireto indrindra no tra-tehaky ny mpitandro filaminana ny rongony maro be amin’ny fatorana sy efa voaavaka tsara ary natao baomba.

Niaiky ny heloka vitany izy mivady ary efa aman-taonany no nanaovan’izy ireo io asa ratsy io. Tamin’ny filazan’izy ireo hatrany dia efa tena asa fiveloman’izy mivady mihitsy ny fivarotana rongony. Natolotra ny fampanoavana omaly ireo olon-dratsy ireo.

L.N