Manomboka sahirana ny mpitatitra mpandeha amin’ ny lalam-pirenena RN7 mampitohy an’Analamanga sy Vakinankaratra satria tena be loatra ny lavadavaka sy fahasimbana. Ny lalana eo anelanelan’i Sambaina sy Antsirabe no tena betsaka simba. Misy ihany ny mpanao lalana hita manao ny fanarenana saingy lazain’ny mpitatitra fa manao asa alasafay ary tsy maharitra iray volana akory ireny dia simba indray. Lasa fandaniam-bola fotsiny izany ny fanamboaran-dalana any an-toerana. Misy mihitsy mpamily milaza fa aleo ihany lalana feno lavaka dia miezaka mitandrina toy izay ireo tapitapenana kitoatoa nefa vao mainka manimba fiara. Ny ao an-tampon-tanànan’ Antsirabe ihany koa dia efa manomboka manahirana ny mpamily ny lalana na dia mbola vitsy fiara aza ao an-toerana. Vao avy ny orana dia efa feno fotaka sy rano miandrina ny ankamaroan’ny tanàna any an-toerana ary manahirana ny fifamoivoizana.

Ra-Dom