Nitrangana halatra omby tao amin’ny kaominina Manakambahiny, distrikan’Ambatondrazaka, tamin’ny herinandro lasa iny. Vatan-dehilahy miisa 11 nirongo basy kalachnikov no nanantanteraka fanafihana valan’omby maromaro tao an-tanàna. Nanapoaka basy ireo olon-dratsy vao niditra ny tanàna ampihorohoroana ny fokonolona. Lasa tamin’izany ny omby maherin’ny valopolo. Niezaka nanao ny fanarahan-dia ihany ireo fokonolona fa niala maina, hany ka nampandre ny mpitandro filaminana. Taorian’ny fikarohana dia sarona ny folo lahy.Tsy nijanona teo fa nitohy ny fitadiavana ny iray naman’izy ireo. Ny faran’ny herinandro teo no tratra tany Amparatsiaka, kaominina Antsangatsangana, ao antin’ny distrikan’Ambatondrazaka ihany io jiolahy io ary tratra niaraka taminy koa ny basy kalachnikov iray sy bala izay fampiasany mandritra ny fanafihana.

Ankoatra ny fandravana fananan’olona dia mahavita mandoro trano ihany koa ireo olon-dratsy ireo.

L.N