Tovolahy iray no maty tsy tra-drano, ny alakamisy hariva, tokony tamin’ny 6 ora sy 45 minitra tany ho any, teny amin’ny Cité Canada, any Toamasina, rehefa nianjera avy eny ambony fiara nandeha. Araka ny loharanom-baovao dia nijapy an’io fiara mandeha io ilay tovolahy, kanjo nijanona  tampoka ilay fiara rehefa tonga tamin’ny toerana voalaza etsy ambony . Nipitika avy hatrany ity zazalahy ary notatazan’ny kodiaran’ilay fiara ny lohany ka voahitsaka.

Samy manana ny filazany anefa ny loharanom-baovao avy any an-toerana manoloana ity lozam-pifamoivoizana ity. Misy ireo milaza fa nodomin’ity fiara ity ilay tovolahy raha nanaraka tsara ny sisin-dalana. Hatreto, mbola mifamahofaho ny resaky ny olona ka tsy fantatra mazava ny tena antony nahatonga ny loza. Mbola tsy nahazoana fanazavana ihany koa ny eo anivon’ny mpitandro filaminana any an-toerana mahakasika ity tranga ity.