Manomboka androany alatsinainy 30 novambra ary tsy hifarana raha tsy ny zoma 4 desambra ho avy izao ny andiany faha enina amin’ilay hetsika faobe hiadiana amin’ny lefakozatra. Ho an’ny faritra Menabe manokana dia zaza manodidina ny efatra hetsy no ezahina ho vita vaksiny amin’ity taona ity, raha toa ka efa mahatratra 11 tapitrisa kosa izany manerana ny Nosy. Mpisehatra ara-pahasalamana maro no miara-misalahy amin’izany hitety tokantrano isam-pokontany sy isaky ny kaominina ary mahazo anjara amin’izany avokoa ny distrika rehetra ao anatin’ny faritra Menabe.

Manentana hatrany ireo ray aman-dreny, araka izany, ny tompon’andraikitry ny fahasalamana mba handray ireo mpanao vaksiny satria tombontsoa lehibe ho an’ny zaza ny hanaovana ny vaksiny mba hiadiana amin’ny aretina lefakozatra.