Mbola miady amin’ny fahafatesana ity rangahy 60 taona ity raha ny vaovao voaray. Ny alin’ny alatsinainy teo no notafihan’ny efa dahy ny trano fonenany ka nandritra izany no namparatra azy. Novelesin’ireo jiolahy tamin’ny vy mantsy ny lohany. Tovolahy 18 taona ihany koa no voadaroka saingy tsy dia tena voa mafy. Miaraka mipetraka amin’ilay rangahy lehibe mantsy ity farany koa nafatotr’ireo jiolahy rehefa avy novelesin’izy ireo. “Notsofain’ireo jiolahy ny karakara vy miaro ny varavarana fidirana. Fotoana fohy dia tafiditra tao an-trano izy ireo. Vola be no lasan’izy ireo tao sady vola vahiny euros niampy entana maro samihafa toy ny ordinatera sy firavaka”, hoy ny loharanom-baovao. Mbola manaraka fitsaboana eny amin’ny hopitaly ilay naratra, efa nisy ihany koa ny fitoriana napetraka.

Njara Fih