Mahazo vahana ny fanafihana mitam-piadina any an-tampon-tananan’Ambatondrazaka. Miara-manaiky ny mponina fa miha mahazo laka ny tsy fandriampahalemana any an-toerana. Tokantrano iray indray no nokasain’ny andian-jiolahy hidirana an-keriny, tao amin’ny zana-bohitra Antsahalava, fokontany Ambohimasina, ny alahady alina teo. Nisy nahatsikaritra anefa ireo jiolahy nandritry ny fiakarana ny rihan’ireo lasibatra. Raikitra ny tsioka kiririoka nanerana ny tanàna ary nisy ihany koa ny nampandre ny polisy. Tonga ara-potoana teny an-toerana ireto farany ka raikitra ny fifanenjehana teo amin’ny roa tonta ka jiolahy maromaro no tratra fa ny ambiny kosa tafaporitsaka. Ny fahamaizinan’ny toerana, noho ny tsy fisian’ny jiro no olana, araka ny fanambaran’ny mpitandro filaminana. Efa mandeha ny fikarohana an’ireo jiolahy tafatsoaka.

L.N