Nametraka paik’ady amin’ny fitandroana ny filaminana amin’izao ankatoky ny fety roa sosona izao ny lehiben’ny kaomisaria any amin’ny distrikan’Ambilobe. Ampitomboina ny isan’ny polisy manao fisafoana any amin’ireo fokontany fa indrindra ireo malaza ho faritra mena amin’ny tsy fandriampahalemana. Ho hentitra ny fanaraha-maso ny fandriampahalemana amin’ity volana desambra ity mba ahafahan’ny mponina mitsena ny taona 2016 sy mankalaza  ny fety am-pilaminana.

Fanamby lehibe ihany koa ny tsy hisian’ny loza na “zéro accident” mialoha sy mandritra ary aorian’ny fety ka vahoaka miaina ao anaty tanàna milamina sy lavitra ny herisetra no tanjona.