Raha mitohy ny rotsak’ orana dia ahiana ho tondraka tsy ho ela ny rano amin’ny faritra iva eto an-drenivohitra sy ireo kaominina manodidina. Tsy mitsaha-miakatra ny haavon’ny rano amin’ireo renirano 3 manodidina ny tanàna dia Imamba, Ikopa, ary Sisaony. Ny foibe famantarana ny toetr’andro anefa milaza fa mbola ho avy ny orana ary haharitra hatrany amin’ny volana martsa any. Efa namoaka filazana loza manambana ny birao misahana ny fitantanana ny loza voajanahary ary mampitandrina ireo eny amin’ny toerana mety ho azon’ny tondra-drano mba haka ny fepetra rehetra tandrify izany. Tsy misy na inona na inona azo atao rahateo hanakanana ny rano tsy hiakatra fa ny fiomanana mba ampihena ny loza sy ny voina ihany no fepetra azo raisina.  Mbola tsy zarizary ny foto-drafitr’asa misy eto amintsika ary resa-be fotsiny hatrany ny tetikasa hanamboarana ny lakan-drano sy tatatra fa tsy hita izay tena fanatanterahana azy.

Dom