Tanimbary manana velarana 20 hektara mahery no dibo-drano eny amin’ny distrikan’Atsimondrano. Misy fefiloha vaky ka izay no nahatonga izao loza izao. Raha mitohy ny orana sy ny fiakaran’ny rano dia hiitatra be io fahavoazana io. Miantso ny mpitondra fanjakana ny mponina mba handray andraikitra satria sady simba ny fihariana no mananontanona ny hisian’ny tra-boina indray. Eny Andohatapenaka II ihany koa efa miditra hatrany an-trano sy an-tokontany ny rano. Efa tena miaina ao anaty rano maloto tanteraka ny mponina ary milaza fa ny tsy fahalavorarian’ny tatatra fandehanan’ny rano no mahatonga izany. Mila vahana haingana io olana io satria raha tsy izany dia hisy tra-boina sahady amin’izao faran’ny taona izao. Ny orana rahateo ahiana mbola hijohy hatrany araka ny filazan’ny sampana mpamantatra ny toetr’andro. Efa ho 20 mahery ny kaominina tandindomin-doza amin’ny mety hisian’ny tondra-drano amin’izao fotoana izao.

Dom