Olona iray  indray no namoy ny ainy vokatry ny lozam-pifamoivoizana, tany amin’ny lalam-pirenena Rn7. Ny alin’ny farany herinandro, tokony tamin’ny 9 ora no nisehoan’izany, teo amin’ny tetezana Ambohibao, any Bongatsara. Avy any Ambohibary Sambaina hiakatra aty an-drenivohitra ilay fiara lehibe no niseho ny loza mahatsiravina. Raha mandeha tsara tao anaty tetezana iny ilay kamiao dia niampita tampoka ny lehilahy iray.

Tranga izay tena tsy nampoizin’ilay mpamily mihitsy ka na dia nanitsaka hisatra avy hatrany ary izy dia mbola voahitsaka ihany ilay lehilahy. Vaky loha ity farany ary maty teo no ho eo vokatra ny fandehanan’ny rà be loatra. Nidina teny amin’ny toerana nisehoan’ny loza ny zandary avy eo nanao ny fizahana ary fantatra tamin’izany fa mamo ity namoy ny ainy ity satria nahenoana fofona alikaola izy. Efa natolotra ny fianakaviany ny vatana mangatsiaka.