Nandriaka ny rà teny amin’ny lalam-pirenena Rn1, ny marainan’ny sabotsy lasa teo, tamin’ny 10 ora sy sasany tany ho any, vokatry ny lozam-pifamoivoizana niseho tany an-toerana. Kamiao iray mpitatitra entana madinika avy taty an-drenivohitra no nivadika ambony ambany, teo amin’ny tanànan’Ambolomanjakarivo. Tsy fantatra na tapaka hisatra fa nandona aro fanina teny amin’ny sisin-dalana ilay kamiao lehibe izay nitarika ny fivadihany. Olona telo izy ireo no tao anatin’izany fiara izany izay naratra avokoa. Araka ny loharanom-baovao, vaky ny lohan’ny mpamily raha toa ka nipitika mihitsy ny sofin’ny mpanampy azy. Nidina teny an-toerana ny mpitandro filaminana nanao ny fizahana ka araka ny fanambaran’ireto farany dia ahiana ho hamamoana no nitarika ny loza. Nahitana tavoahangy toaka mantsy tao anatin’ilay fiara. Efa manaraka fitsaboana eny amin’ny tobim-pahasalamana ireo naratra.

L.N