tamin’ ny fiakaran’ny rano any Mampikony dia olona enina hatreto no fantatra fa namoy ny ainy, araka ny tatitra avy amin’ny Bngrc. Telo arivo ihany koa no traboina any an-toerana. Vokatry ity tondra-drano ity dia dibo-drano avokoa na ny trano fianarana na ny trano fonenana ary maro amin’ireo ihany koa no rava sy potika tanteraka.

Mba ialana amin’ny tranga toy izao dia nanambara ny talen’ny fanenana ny risika ao amin’ny Bngrc, Randrianjafy Mamy Solange, fa hiezaka izy ireo hijery ifotony ireo toerana mora hitrangan’ny loza sy ny zavatra tokony atao mba hanentanana azy ireny sy ny fiantraikan’izany amin’ny olombelona. Manana andraikitra mialoha sy mandritra ary aorian’ny loza mantsy ny Bngrc.

L.N