Na efa nandraisana fepetra aza ny asan-dahalo any amin’iny faritra Atsimo iny mialohan’ny farany taona teo dia miverina amin’ny heriny indray izany amin’izao fotoana izao. Manoloana izany indrindra dia ho averina tsy ho ela ny hetsika miaramila mba ahafahan’ny vahoaka miaina am-pilaminana ary tsy handalo fotsiny ireo mpitandro filaminana ireo fa hitoetra any an-toerana mihitsy. Mahakasika izay indrindra dia nanapa-kevitra ny fanjakana fa hametraka any Ihosy ny toby miaramila sy zandary vaovao ka hanomboka tsy ho ela ny asa satria ny fisian’izy ireo amin’ny toerana iray ihany no mampilamina ny faritra iray indrindra ny any Atsimo. Izany no atao mba ahafahan’izy ireo mamokatra bebe kokoa sy mivezivezy tsara. Fa indrindra ny afahafan’ny ankizy mianatra am-pilaminana mba hahazo tombontsoa manandrify azy.

L.N