Nisahotaka ny iray fiangonana, tao Ampasikibo, any Toliara, rehefa noravan’ilay olona milaza ho tompon-tany ny fotoam-pivavahana. Teo am-pitoriana teny indrindra ny pasitera no nitranga ny fanalam-baraka, omaly maraina. Ady tany teo amin’ny ingahy pasitera sy ny mpino iray tao aminy ihany no nahatonga izany satria samy milaza ho tompon’ny tany izay iorenan’ity fiangonana ity daholo ny roa tonta. Efa nisy mihitsy ny fitoriana an’i pasitera, araka ny vaovao voaangona.

Voalaza fa nosintomin’ilay mpino ny « micro » teny an-tanan’ilay mpitondra fivavahana tery amin’ny alitara dia niteny amin’izay izy hoe « Handao hivavaka fa izaho koa mahay mampivavaka ». Ny fahatongavan’ny mpitandro filaminana no nampitony ny raharaha ka pasitera hafa tao an-toerana no voatery nanohy ny fivavahana fa ilay voalohany tsy nahazo nampivavaka intsony.

L.N