Efa nanomboka ny taona 2011 ny fiaraha-miasa teo amin’ny hopitalin’ny reny sy ny zaza eny Tsaralalana sy ny « Eau vive », izay mifanaraka amin’ny hetsika fanatsarana ny fahasalaman-bahoaka ataon’ny Star. Omaly, no notontosaina teny amin’ny Tsaralalana ny fanaovanan-tsonia teo amin’ny mpitantsoratra jeneraly ny orinasa Star, Rabary Anna sy ny profesora Robinson Annick, talen’ny hopitaly ho fanaovana ny fiaraha-miasa amin’ny roa tonta. Toy ny efa fanao isam-bolana dia hitohy fizarana rano « Eau vive » miisa 600 amin’ny 50 cl an’ny hopitaly Reny sy zaza eny Tsaralalana. Rano « Eau vive » izay mifanaraka amin’ny fahasalaman’ny olon-dehibe sy ny ankizy.

Antony idiran’ny zaza hopitaly matetika ny resaka fivalanana sy mandoa noho ny tsy fahampian-drano ka anisan’ny fanafody mba ialana ny mety hahafaty azy ny fanomezana rano. Betsaka ihany koa ireo zaza vao teraka no tsy minono amin-dreniny dia ny « Eau vive » no rano ampiasaina hanamboarana ny ronono izay sotroin’ny zaza ka izay no antony nisian’ny fiaraha-miasa amin’ny orinasa Star sy ny Hopitalin’ny reny sy ny zaza eny Tsaralalana.

L.N