Mitohy ny tsy fandriampahalemana any Toamasina, telo lahy indray no tra-tehaky ny polisy any an-toerana teo am-panendahana, tany Tanambao V. Ny zoma lasa teo no tratra teo am-panendahana ny roa lahy tamin’izy ireo raha toa ka ny ampitson’io sabotsy kosa no voasambotra ny fahatelo. Araka ny tatitra voaray dia mampiasa antsy ireo olon-dratsy entina ampitahorana ny lasibatra.

Nikiakiaka niantso vonjy ny ramatoa iray raha vao nambanan’ireo jiolahy ny zava-maranitra ka izany no nahafahana nisambotra ny mpanendaka iray ny sabotsy lasa teo ary mbola tratra teny aminy izany antsy nampiasainy izany. Ity farany izay niaiky ny heloka vitany nandritra ny famotorana azy. Tamin’izany ihany koa no nahalalana fa efa nigadra teny amin’ny fonjan’Ambalatavoahangy izy io noho ny resaka fanendahana hatrany.