Miaina ao anatin’ny tebiteby amin’izao fotoana izao ireo vahoaka ambanivolon’i Didy. Mirongatra izay tsy izy ny fanafihana mitam-piadiana ataon’ireo jiolahy. Notafihan’ireo jiolahy tamin’ny fiandohan’ity volana martsa ity ny mpivarotra iray ka lasa ny volabe manodidina ny 3 150 000 Ar, naratra voatifitra ihany koa ilay rangahy tompon-trano. Natao ny fikarohana sy fisamborana ka olona 9 mianadahy no tratra . Anton’ny fanafihana dia ny valifaty, noh ny olna nisy teo amin’ny roa tonta. Niaiky ny heloka vitany izy ireo, hoy ny fanazavana. Miaina ao anatin’ny tsy fandriampahalemana tanteraka izy ireo amin’izao fotoana izao, araka ny loharanam-baovao avy any an-toerana  ka miantso ny mpitondra mba hijery akaiky  azy ireo. Isan’ny mampirongatra ny tsy fandriam-pahalemana any an-toerana ny fahasarotan’ny làlana mampitohy an’i Didy sy Ambatondrazaka, ka tokony mba hojerena ihany koa. Isan’ny kaominina mamokatra raha ny kaominin’i Didy fa maro ireo vokatra tsy tafavoaka, noho ny faharatsian’ny làlana izay hatrany.

L.N