Naratra mafy nodomin’ny taxi-be ny tovolahy iray nitondra môtô ny faran’ny herinandro teo, teny Ambohibao. Nandeha lalana tsy azo iverenana (sens unique) ilay kodiaran-droa ka nifatratra avy hatrany teny amin’ity fiara fitateram-bahoaka ity. Nandeha mafy ilay niharan-doza, araka ny vaovao voaray ka nipitika roa metatra teny amin’ilay toerana nisehoan’ny loza vokatry ny dona mafy loatra. Nitontona tamin’ny tany izy ary vaky be ny lohany.

Fanomezan-tsiny no nataon’ny maro amin’ireo nanatrika ny loza fa tsy nisy niraharaha ity tovolahy ity, nohon’ ny tsy fitandremana ataon’ireo mpitondra môtô izay efa mampitaraina ny rehetra.