Nandratra zazavavy kely 13 taona, noho ny daroka tafahoatra ny mpivaro-kena iray teny 67ha, ny sabotsy lasa teo, tokony ho tamin’ny 8ora maraina. Nangalatra henakisoa namidin’ity lehilahy ity izy sy ny namany roa mianadahy. Tratra izy rehefa nenjehin’ny tompon’entana. Natontan’ilay rangahy tamin’ny arabe sy nakapony tamin’ny varavarana vy eo amin’ny trano fisakafoanana teo akaiky teo ny lohan’ilay zazavavy. Tsy nijanona teo fa mbola nodarohany sy nodakany  ihany koa. Raha tsy ny mponina no nanala ilay zaza teo amin’ity mpivaro-kena ity dia asa izay niafaran’ilay zaza. Vokany, vaky ny lohany sy ny tapikandriny ary ny vavan’ilay zaza. Nivonto ny tarehy.

nahitana henakisoa sy trondro ary legioma maromaro tao anaty kitapony Rehefa nosavaina izay mety avy nangalarin’izy ireo tany Ambodin’Isotry mba hatao laoka.

Betsaka ireo olona teny amin’ny manodidina nanome tsiny ny fihetsik’ilay mpivaro-kena manoloana ny herisetra nataony tamin’ity zaza tsy ampy taona ity. « Ekena fa nangalatra ilay zaza saingy tafahoatra kosa ny nataon’ity mpivarotra ity. Tsy tokony ohatr’izao mihitsy ny sazy natao taminy. »

Laurena Nany