Tratran’ny fokonolona nangalatra herinaratra azo avy amin’ny masoandro, tao ny lehilahy iray sahabo ho 47 taona eo ho eo, tao amin’ny fokontany Ambodisaina, any Toamasina, omaly maraina, tokony ho tamin’ny 11ora antoandro tany ho any. Masaka tao an-tsain’ireo mponina izay efa leo ny amin’ny ataon’ireo olon-dratsy ny hampihatra ny fitsaraham-bahoaka avy hatrany. Nolazainy fa lehiben’ny andian’ny mpiandry ny fonja any Ambalatavoahangy ny tenany. Niahotra tamin’ny fikasihan-tanana ireo mponina vao naheno izany. Kanefa izy efa tratra nangalatra indray no avo vava. Tezitra tamin’izany fihetsiny izany ireo olona ka namatotra azy. «Marihina fa saika tsy sahy hamatotra azy amin’ny maha mpiandry fonja azy ny mponina fa ny vavany mirehareha loatra dia tezitra ny olona ka io niafara amin’ny fikasihan-tanana azy io », hoy ny loharanom-baovao. Nalefa teny amin’ny lehiben’ny boriborintany kely (chef carreau) ilay olon-dratsy avy eo.

Laurena Nany