Lehilahy iray no maty natelin’ny ranomasina manoloana ny Port, tany Toamasina, akaikin’ny Auximad, ny alatsinainin’ny paska lasa teo. Nandeha nitsangatsangana teny amoron-dranomasina izy sy ny fianakaviany ka nanararaotra nilomano. Tampoka teo anefa, natelin’ny rano izy rehefa ela nilomanosana teo. Nisahotaka ny fianakaviana nitady azy ary nampiakarina teny an-tanety rehefa hita. Niezaka nanavotra azy avokoa ireo olona nanatri-maso  ka nikohaka ilay lehilahy ary namoaka rano ny vavany. Nifamonjena nentina  tany amin’ny hopitaly izy saingy tsy avotra intsony ny ainy nony tonga kelikely tany. Avy any Antsirabe ny tenany, nandeha namonjy fampakaran-bady tany Toamasina izao tra-doza izao. Nentina nihazo an’Ampitatafika Antsirabe, omaly maraina tamin’ny 4ora ny razana. Lahy tokana ny aina ka tokony hitandrina foana ny tsirairay vao miroboka an-drano.

L.N