Potika tanteraka ny toe-tsaina maha malagasy. Potehin’ireo olon-dratsy indray ny jiro natao hanazava ny lalana sy ny tanàna. Tsikaritra amin’izao fotoana izao fa mihafongana tsikelikely ny jiro mandeha amin’ny herin’ny masoandro napetraka eny amin’iny lalana digy iny. Raha ny bateria ao ambany tany misy ny andrin-jiro foana no alain’ireo jiolahy hatramin’izay dia fantatra izao fa efa lasa hatramin’ny “panneau solaire” eny ambony indray izany. Tsy hay hoe amin’ny fomba ahoana no angalana azy fa raha ny hita teny an-toerana dia efa mahatratra enina no lasan’i ireo mpangalatra raha ny eny amin’ny lalana mampitohy an’Anosizato sy Ampasika iny.

Tokony  hisy ny fandraisana andraikitr’ ireo manam-pahefana dieny izao manoloana ity trangan-javatra ity fa tsy andrasana ho tapitra maizina tanteraka iny lalana iny vao hikoropaka izay  mampirongatra ny tsy fandriam-pahalemana.

L.N