Mitohy hatrany ny ezaka ataon’ny polisy any Toamasina amin’ny fikarohana ireo mpanao ratsy any an-toerana. Sarona ihany ireo jiolahy miisa telo mpanao fanafihana mitam-basy mampihorohoro ny tananan’i Toamasina rehefa nokarohina ela. Vokatry ny fanomezam-baovao avy amin’ny olona tsara sitra-po dia voasambotra ny fiandohan’ny herinandro teo, teny Bazar kely izy ireo. Mbola sarona niaraka tamin’izy ireo ny fitaovam-piadiana fitondra manao ny asa ratsy. Izy ireo ihany koa izay anisan’ny voatonotonona amin’ny fanafihana misesisy ireo mpanao “mobile money” tany Toamasina. Noentina avy hatrany natao famotorana teny amin’ny biraon’ny polisy izy telo lahy ireto ary niaiky ny heloka vitany avokoa. Mbola nandritra ny fakana am-bavany azy ireo hatrany no nahalalana fa misy naman’izy ireo mbola mihaodihaody any an-toerana. Mitohy ny fikarohana ireo namany hafa.

L.N