Nahazo vahana mihitsy ny fitsaram-bahoaka tato ho ato izay. Saika isan-kerinandro dia mahare  fa misy mpangalatra maty na maratra iharan’ny hatezeran’ny fokonolona. Mpangalatra roalahy indray no namoy ny ainy ny faran’ny herinandro teo, tany Ambatoriha, distrakan’i Bealanana. Tratra ambodiomby nangalatra tao amin’ny tokantrano iray tany an-toerana izy roalahy ireo, araka ny loharanom-baovao ka tsy namelan’ny olona raha tsy maty. Lasan’ireo olon-dratsy nandritra ny fanafihana ny vola mitentina 12 tapitrisa ariary. Raikitra ny fifanenjehana eran’ny tanàna ka samy nidaroka avokoa ny rehetra. Tsy naharesy tosika ireo fokonolona, ireo jiolahy ka maty tsy tra-drano. Tafaverina amin’ny tompony avokoa ireo vola be.