Ny alatsinainy maraina, tokony ho tamin’ny 3ora sy sasany teo, lehilahy lehibe iray no nitambotsotra tampoka teo anoloan’ny trano fivarotana “Leader price”. Niankarapoka tamin’ny tany avy hatrany ilay raim-pianakaviana, taitra noho izany ny mpiambina teny an-toerana ka niezaka nibata azy teny antokontanin’izany toeram-pivarotana izany. Niantso sefom-pokontany ny tenany fa mandra-pikeninkenina teo dia maty ilay rangahy.

Nidina teny an-toerana ny tompon’andraikitry ny fokontany sy ny Bmh rehefa nazava ny andro. Fiakaran’ny tosi-dra no nahafaty azy tampoka, araka ny fanambaran’ny Bmh. Efa eo am-pelatananan’izy ireo ny razana mandra-pahatonga ny havany.