Tsy mijanona amin’ny fivarotana voanjo sy “cola” ihany ireny mpivarotra mandehandeha mitondra sahafa ireny fa fantatra ihany koa amin’izao fotoana izao fa mamatsy rongony, eny amin’ny kianjan’ny Makis, mandritra ny fijerena baolina lavalava eny an-toerana. Tsy misy henatra intsony fa samy midoroka izany eny imasom-bahoaka avokoa ireo mpifoka rongony mandritra ny  fijerena “match” iray manontolo. Efa betsaka ireo mahatsikaritra ity fihetsika tsy mendrika ity satria tsy vao sambany akory fa efa hatramin’izay no nisy an’izany eny an-toerana, araka ny loharanom-baovao. Ny mpitandro filaminana natao hanaramaso an’iny toerana iny anefa, etsy ankilan’izany, tsy hay na tsy mahafantatra ny trangan-javatra na minia mikipy tsy mahita akory. Hatramin’izao dia tsy mbola nisy ny fandraisana andraikitr’izy ireo, hoy hatrany ny loharanom-baovao.