Tontosa omaly 15 aprily, teny amin’ny tobin’ny polisy miandraikitra ny fanaraha-maso ankapobeny, eny Antanimora, ny fametrahana galona ireo polisy roapolo mianadahy mendrika indrindra. Valo mianadahy ny kaomisera ary 12 kosa ny ofisie. Manomboka izao dia betsaka ny adidy sy andraikitra miandry ireo manamboninahitra vao nahazo galona ireo. Noho izany, tokony hiezaka hatrany hitana sy hanantanteraka ny vina napetraky ny polisim-pirenena izy ireo ka tafiditra amin’izany ny ady amin’ny kolikoly, ny fanarahana ny fitsipi-pifehezana mifehy ny polisim-pirenena ary ny ady amin’ny asan-jiolahy mahery vaika amin’ny endriny rehetra.  Tonga nanome voninahitra ny lanonana nisolo tena ny minisitra, ny sekretera jeneralin’ny ministeran’ny Filaminam-bahoaka, izay notronin’ny tale jeneralin’ny polisim-pirenena sy ireo tale isan-tsokajiny eo anivon’ny ministera.

Laurena Nany