Taorian’ny fakana am-bavany ireo mpamily taksibe mamo sy mpanampy azy anao zotra mampitohy ny renivohitra sy Ambohidratrimo dia natolotra ny fampanoavana ny alatsinainy 2 may lasa teo, izy roalahy. Ankoatra ny fisintonana ny fahazoan-dalan’ilay mpamily mitondra fiarakodia sy fampidirana “fourrière” ny fiara dia notanana am-ponja vonjimaika ny tenany raha toa ka nahazo fahafahana vonjimaika kosa ilay mpanampy azy.

Raha tsiahivina dia ny faran’ny herinandro lasa teo no nosamborin’ny zandary izy roalahy ireo rehefa nahita ny fanairana nataon’ny olona iray nandeha tamin’io taksibe io tao anaty tambazotra serasera “facebook” (fifamoivoizana eto Madagasikara). Tody soa aman-tsara moa ireo mpandeha rehetra tao anatiny tamin’io fotoana io.

L.N