Manjakazaka tanteraka ireo malaso any amin’iny tapany Atsimo iny. Ary tsikaritra tao ho ao fa tena miverina amin’ny heriny izy ireo ary tsy matahotra na iza na iza intsony. Toy ny tranga iray izay niseho tany Antsahalova, omaly maraina. Araka ny fampitam-baovao voaray dia omby miisa 1000 mahery avy any amin’ny toerana voalaza etsy aloha hihazo ny Tsiroanimandidy no lasan’ny malaso. Nipoapoaka ny feom-basy nampitahorana ireo mpandroaka omby ka nanaraka izay sitra-pon’ireo olon-dratsy izy ireo.

Mipetraka anefa ny fanontaniana hoe taiza ireo mpitandro filaminana tamin’io fotoana io ? Araka ny fantatra mantsy dia tsy maintsy misy mpitandro filaminana hatrany miaraka amin’ireo mpandroaka omby rehefa tahaka izao. Nilaza anefa ny loharanom-baovao fa tsy nisy tamin’io fotoana io.

L.N