Nivory ireo sendikan’ny mpitsabo mpanampy, ny alatsinainy lasa teo ary nandray fanapahan-kevitra fa fotoana tokony hahazoana valiny tamin’ny fangatahana, izay mahakasika ny fampiakarana ny “grille indiciaire” ho 1 200, izay efa notakiana ny taona 2012-2013, ireo tambin-karama izay napetraka tany amin’ny ministera, ao anatin’izany ny “indemnité de risque” satria betsaka ny zavatra mahazo ny mpiasan’ny fahasalamana toy ny aretina nefa tsy mahazo an’io. Noho izany, hampiantso fivoriam-be eto an-drenivohitra ireo sendikan’ny mpitsabo mpanampy amin’izay mety ho fanohizana ny fitakiana. “Hanapa-kevitra afaka 48ora izahay satria misy ny fitakiana tsy mbola nahitana valiny hatramin’izao”, hoy ny solontenan’ny mpitsabo mpanampy, Tsialofana Andry Iankinana.

Maromaro ny fitakian’ireo sendika isan-karazany nahazoana valiny tato ho ato, ka izay antony izay no mahatonga ny sendikan’ny mpitsabo mpanampy mitaky ny azy ary miantso ny mpiasan’ny fahasalamana koa mba hiara-hientana amin’izy ireo satria fotoanan’ny fitakiana izao.

L.N