Nisy loza nitranga vokatry ny fihotsahan’ny tany, tany amin’ny fokontany Ankaboka, kaominina Mahazoarivo, distrikan’i Vohipeno. Lehilahy mpihady volamena miisa 11 no tototry ny tany tao amin’ny toerana antsoina hoe Sarivelo, ny zoma 13 may, tamin’ny 10 ora maraina. Teo am-pangadiana tany, mitady volamena izy ireo no niseho tampoka ny loza. Araka ny loharanom-baovao dia tany malemy ity nohadian’izy ireo ity. Vokany, mpihady volamena fito no maty tsy tra-drano fa voavonjy kosa ny efatra izay samy mponin’i Sarovelo avokoa. Ny fahasarotan’ny fitadiavana azy ireo no fantatra fa nahatonga ny fahafatesan’izy ireo. Natolotra ny fianakaviany ireo razana fito ireo.

L.N