Olona iray indray no namoy ny ainy vokatry ny lozam-pifamoivoizana. Ny 29 may lasa teo, tamin’ny 1ora maraina no nitrangan’izany, tany Imerintsiatosika. Kamiao iray mpitatitra vary no nivadika ambony ambany noho ny fahalaman’ny lalana, vokatry ny orana nisesisesy. Nandeha mafy ilay fiara vaventy tamin’io fotoana io ka raha vao niseho ny loza dia tsy nahatana ny familiana intsony ny mpamily. Roa ihany izy ireo no tao anatiny dia ny mpamily sy ny mpanampy azy. Maty tsy tra-drano ny iray, raha toa ka, naratra mafy ny faharoa. Potika tsy nisy noraisina ilay fiara ary simba kosa ireo vary tao anatiny tratran’ny orana.

L.N